LO MAS DAU DOLMEN

Una passejada semenada d'audors e de colors

Pas luônh de 200 menas localas son menimosament recensadas e etiquetadas per vos menar dins una descobèrta de flors, d'aubres de boissons e esséncias que fan la riquesa e l'encantament dau païsatge miègterranenc e de la garriga .

La dralha botanica seguís las rasas pintorescas e las vièlhas muralhas e las restancas retauradas, dintra a l'ombra das bartasses plens de sentors, fa lo torn de vièlhas pèiras e de ramelets de beutat

Descobrissètz e reconeissètz....

• Las taperas e las moges,
• los arboçs e las figuièras,
• los lentanàs et les gazaniàs,
• las grifas de sorcèr e los euphorbìs,
• los glaujòls d'ivèrn blancs e blaus
• la mostarda blanca e la roqueta jauna

2006: Una baranhada de 12 menas de lausièrs ròses jaunes o roges plantada dins l'estiu 2003 maugrat la calorassa nos porgirà aquest estiu l'esplandor de sas colors.

Quau sap lo nom d'aquelas dòs flors ? Una entrada a res non còsta per quau arriba amé la bona responsa !